Caxastur, Caja Cantabria y Caja de Extremadura retomen el procesu de fusión

Tres espulsar a Caja del Mediterráneo (CAM) del procesu de fusión, Caxastur, Caja Cantabria y Caja de Extremadura van retomar el camín pa formar un grupu nuevu. El llunes van presentar al Banco de España el so proyeutu.
 
Los órganos de gobiernu de las trés entidaes reúnense güei p’aprobar un proyeutu nuevu de Sistema Institucional de Proteición (SIP) pa cumplir coles esixencias de capitalización nueves establecíes pol Gobiernu estatal y polos que vela l’institutu emisor. Caxastur, Caja Cantabria y Caja de Extremadura nun van pedir recursos públicos al Fondu de Reestructuración Ordenada Bancaria (FROB) pa cumplir colos requisitos de solvencia qu’establez el Decretu de Reforzamientu del Sistema Financieru.
 
L’alianza de les trés caxes d’aforros al traviés del SIP va permitir la creación d’un Bancu Base con unos activos de 54.200 millones d’euros. En principio, d’esa cantidá Caxastur va poner 36.700 millones de euros, lo que supón un 68 por cientu del total; Caja Cantabria unos 10.100 millones (18,5 por cientu); y Caja de Extremadura 7.400 millones (13,5 por cientu).