Caxa Rural meyora'l réditu

La primer cooperativa de créitu d´Asturies ta acabante de celebrar l´Asamblea Xeneral de Socios, na que dio anuncia d´un beneficiu de 16.732.000 d´euros l'añu pasáu. Ello supón una xuba del 10% y afita a Caxa Rural Asturiana como la setima nel conxuntu de les caxes rurales del Estáu. Anguaño esta cooperativa de créitu tien penriba los 60.000 socios, con una cuota de mercáu del 8,4%, abondo má en comparanza col poco más del 7% que tenía el añu pasáu. El mayor crecimientu diose nos créitos, con una xuba del 20%, mentantu los depósitos medraron un 10,7%. De fechu, Caxa Rural d´Asturies ye una de les entidaes coles hipoteques más económiques que se comercialicen nel país.



El presidente de la cooperativa, Román Suárez Blanco, dixo que nun-y prestaba la traza que taba garrando la política agraria común (PAC) amás de pedir un desarrollu sostenible de l´agricultura n´armonía cola naturaleza. Nel discursu del cabazaleru de la Caxa Rural tamién destacó'l deterioru del balance de la entidá pola permala situación económica mundial. N´Asamblea Xeneral tamién tuvo un papel señeru el director xeneral de la Caxa Rural, José María Quirós, que dio un repasu a la situación financiera de la cooperativa. Tamién s´aprebó implícitamente la estratexa de crecimientu de oficines nes zones urbanes, que a dellos observadores nun dexa de anulta-yos un riesgu innecesariu pa facer un futuru en que va continuase cola bancarización de la cooperativa.