Carreño pon un cursu sobre accesibilidá de webs

L'Ayuntamientu de Carreño, en collaboración cola Federación Española de Municipios organiza ente güei y esti miércoles unes xornaes con motivu del Añu Européu de la Discapacidá pa enseñar la normativa europea sobre Accesibilidá n'internet y esparder el Programa TAW, una ferramienta qu'analiza'l grau d'accesibilidá de les páxines web. Les xornaes incluyen un cursu en que van tar trabayadores d'ayuntamientos de delles comunidaes autónomes que trabayen nel diseñu y xestión de conteníos n'Internet, una estaya na que l'accesibilidá de conteníos ye clave pa que l'alministración llegue a tolos ciudadanos

La xustificación d'estes xornaes vien d'un datu poco conocíu: les más de les webs que circulen pela rede nun son accesibles pa xente discapacitao o pal colectivu de persones mayores. Ello ye que una de cada 10 persones nel continente européu sufre daqué discapacidá
.