Capital fotográfica

Estos díes, Asturies va convertise nun de los sitios más prestosos de visitar pa los aficionaos a la fotografía. Ello ye que coinciden equí tres esposiciones de lo más interesante., D'una parte, nel Muséu Antón de Candás ta abierta hasta'l 25 d'esti mes l'amuesa de semeyes de Robert Rosenblum, un de los autores americanos más importantes de la segunda metada del sieglu XX. Les sos semeyes del Desembarcu de Normandía o de los rapacinos esiliaos tres la Guerra Civil puen vese tamién, anque con menos calidá, nel so web oficial. D'otra parte, esta tarde inaugúrase'l Salón Internacional d Fotografía de Xixón, con tres muestres independientes, una d'elles cola colección de Polaroids xigantes del Institutu Andaluz de la Fotografía. P'acabar, esta selmana estrena, tamién en Xixón, la esposición de fondos de la colección fotográfica del IVAM, una de les poques instituciones d'arte modernu que se dediquen a la tema de la fotografía.

Contador Estadistiques