Cangas organiza unes xornaes sobre concenciación mediuambiental

L'Ayuntamientu de Cangas del Narcea entama, dende esta selmana, un ciclu de conferencies dedicaes a concenciar a la población sobre cuestiones mediuambientales. Esta inniciativa de la Conceyalía de Mediu Ambiente va desarrollaase ente'l 19 y el 26 de payares, y tien por oxetivu tresmitir "
comportamientos y actitúes favorables al mediu ambiente más que conocimientos".

El ciclu de charres entama'l miércoles 19 con Alejandro Viñuales, que va tratar el tema de los ecosistemes acuáticos na conferencia "Ríos de montaña, últimos paraísos fluviales". El martes
20, la bióloga Susana Monteserín Real va falar sobre les campañes de
sensibilización mediuambiental. El ciclu torna'l llunes 24 cola presencia de la guía de la Reserva Natural
Integral de Muniel.los, Carmen Pérez García, que va esplicar les particularidaes del bosque atlánticu dende'l presupuestu de que "la
degradación de los nuestros bosques ye la nuestra desaparición" . El martes día 25, l'inxenieru técnicu forestal
Alberto Hidalgo López va esplicar lo árboles más comunes d'Asturies, y el día 26 remata'l ciclu cola ponencia sobre'l cambéu climáticu al cargu del xeólogu José Fernández Linde.
Xunta estes

actividaes, los centros educativos del conceyu van facer una
campaña de sensibilización empobinada a los alumnos de los cursos de segundu ciclu d'ESO y bachilleratu