Candás gana'l campeonatu de bandes de gaites

La banda de gaites de Candás foi la ganadora de la tercer edición del campeonatu de bandes de gaites d'Asturies.

El domingu pela mañana la Banda de gaites de Candás consiguió romper col dominiu que tenía hasta esti añu "Llariegu". De toes formes la banda de Sariegu quedó en segundo puestu amás de ganar el premiu a la meyor sección de percusión. En tercer posición quedó la banda del occidente asturianu "La Reina del Truebanu" que tamién consiguió'l premiu a la meyor estética. Puen consultáse'l resto de posiciones y les puntuaciones detallaes nesta web.