Cabudañu del Prestige

Güei ye'l cabudañu del fundimientu del Prestige. La popa yera la primera en dir colos pexes, y sobre les 4 de la tarde del 19 de payares del 2.003, la proa marchaba tres d'ella. Los dos cachos en que partiere'l barcu diben a pique a unos 240 kilómetros de Finisterre hasta posar en fondu, a unos 3.600 metros. Lo fondo y lo frío de la fosa onde cayo'l barcu llevaron al Ministeriu de Fomentu a asoleyar una nota oficial esplicando que'l galipote diba xelar y quedar fecho una masa sólido que nunca nun diba salir a flote. La identidá de los espertos que consultó Fomentu pa llegar a esa conclusión nunca nun se supo, pero'l galipote salir salió.