Baxada del paro en xunetu

El paro baxó n'Asturies el mes de xunetu en 2188 persones segúnlos datos oficiales del INEM, lo que supón una baxada porcentual del 4,31% sobre'l mes de xunu. La tasa de paru queda asina nel 11,44%, que se reparten ente un 7,38% masculinu y un paro femeninu del 17,40%, unes tases mui desiguales pero tendentes a equilibrase, y ye que'l colectivu de muyeres en paro foi el que más se benefició de la baxada de xunetu, con un 0,98%, mientres que'l la baxada del paro masculinu foi más suave, con un 0,32%. Per edaes, el colectivu de paraos de menos de 25 años tuvo una baxada del 6,16% por un 3,94% del de mayores de 25. Per sectores, el paro meyoró en toos ellos, anque foron servicios y construcción los que más acusaron la baxada, teniendo tamién el colectivu ensin emplegu anterior una baxada importante con 388 paraos menos.

El mercáu llaboral asturianu acusa la estacionalidá, y anque la baxada d'esti mes ye del 4,31% contra una media estatal del 1,70%, ello nun ye a meyorar los datos de va un añu, cuando la comunidá rexistraba 48.102 demandantes d'emplegu polos 48.617 d'esti xunetu de 2.003. Otramiente, ello tampoco saca a Asturies del pelotón de cola del paro, y asina la nuestra ye la tercer comunidá con más demandantes d'emplegu, contrastando la tasa asturiana del 11,44% cola media estatal del 8,39%.