Baiña (+ ó -) Celta

Mañana vienres la localidá de Baiña nel conceyu de Mieres va ser más o menos celta col so IV Festival Folk.

Esta nueche folk ta organizada conxuntamente pol Conceyu Mieres y pola Hermandá de San Bartolomé de Baiña. El conceyu Mieres sofita esti conciertu con una aportación de 7.000 euros, y considérase una actividá complementaria a la yá famosa Folixa na Primavera de Mieres. Los grupos escoyíos pa esta ocasión son "Corquiéu", los avilesinos "Triba", el gaiteru Guti xunto cola so banda y los temes de "Gaiteru del Sur" y "Dixebra".

La hora d'empiezu del conciertu ye les 22:00 hores, va haber espaciu d'acampada de baldre, aparcamientu y bar. Amás el Conceyu Mieres va poner una serie d'autobuses nocturnos dende Mieres pa poder averáse al conciertu ensin tener que garrar el coche.