Ayer edita una guía de rutes de senderismu

Inclúi 12 percorríos pel conceyu.

L'Ayuntamientu d'Ayer asoleyó, en collaboración col Grupo de Montaña Ultra, una guía con doce rutes de senderismu pel conceyu. Con un tirada de 2.000 exemplares, de les que yá se vendieron 200, l'oxetivu d'esta espublización ye dar a conocer les siendes de la zona y proporcionar información detallada de caún de la docena de percorríos rexistraos nel llibru.

Les rutes tán orientaes tanto a un públicu familiar como al más esperimentáu, con graos de dificultá diferentes, de les que trés son de nivel baxu, cinco de nivel mediu y cuatro de mediu-alta. La xente interesao pue mercar el llibru, que se presentó ayeri na Feria Internacional de Muestres d'Asturies (FIDMA), nel Centru de Recepción de Visitantes d'Ayer y nel Puntu d'Información Turística de Felechosa pol preciu simbólicu de 1 euru.