Avilés acueye'l Mundial de Duatlón

1.402 duatletes de 32 estaos compiten el sábadu y domingu por ser los meyores nesta disciplina. El vienres va tener llugar una espectacular ceremonia d'inauguración.

Con tolos deportistes yá na ciudá rexistrándose y preparándose pa la competición, l'actividá del Mundial de Duatlón d'Avilés va principiar de manera oficial a les 20 hores col desfiles de duatletes dende la Pista de la Esposición hasta El Parche, onde va desendolcase la gala sobre les 20.30. Yá mañana, a primer hora, van comenzar les primeres pruebes, siendo la primera la de paratriatlón a les 9 hores.

El Campeonatu del Mundu de duatlón absolutu femenín, nel que va competir l'asturiana Laura Álvarez, va tener llugar a les 16 hores, pa dar pasu llueu al masculín, a les 19 hores. Mentes, el domingu, va continuar l'eventu colos grupos d'edá sprint, pela mañana, y cola prueba de relevos, de tarde.

El duatlón ye una disciplina deportiva que combina carrera a pie y en bicicleta. En primer llugar, en categoría elite, los deportistes van facer un percorríu de 10 quilómetros corriendo, pa depués siguir con 39,6 quilómetros pedaliando y finar con otros 5 a pie.