Aumenten los contaxos el xueves hasta los 73

|
Viales vacuna de Janssen

Ye más del doble que los del día anterior.

A falta de la espublización de los datos oficiales de la COVID-19, la Conseyería de Salú informó de la detección ayeri de 73 casos nuevos –l'actualización suma 1 más non contabilizáu en díes anteriores–. Son 38 más que'l miércoles, cuando se comunicaron 35.

El Serviciu de Salú del Principáu d'Asturies (SESPA) fixó 2.382 pruebes de diagnósticu d'infeición activa, polo que la tasa de positividá s'asitió nun 3,7 por cientu, cuando la xornada anterior quedó nun 1,76 por cientu con 2.561 tests realizaos. A 7 díes esti porcentaxe yera enantes de l'actualización del 2,71 por cientu –ayeri xubió al 2,86 por cientu–.

Nun hebo que llamentar muerte nenguna cola enfermedá causada pol coronavirus SARS-CoV-2, polo que'l total del andanciu sigue en 1.976. En planta tán ingresaes 54 persones con confirmación o sospecha de COVID-19, 1 menos que'l miércoles, a los qu'hai que sumar les 19 que tán na UCI, 1 más.

Na semeya, viales de la vacuna de Janssen recibíos esta selmana. En total, de los cuatro tipos esistentes nestos momentos, llegaron a Asturies 69.480 dosis (2.800 de Janssen, 51.480 de Comirnaty de Pfizer/BioNTech, 8.600 de Vaxzevria d'AstraZeneca y 6.600 de Moderna)

Contador Estadistiques