Ataque neonazi a una estudiante d’Uviéu

Delegación del Gobiernu n'Asturies dio anuncia de que va abrir una investigación pol ataque que sufrió una estudiante d'Uviéu de 24 años a la que dos desconocíos que llevaben símbolos nazis atacaron nel portal de so casa con una cuchiella, tarazándo-y na cara'l dibuxu d'una cruz gamada, una agresión de la que los médicos dicen que nun-y va quedar marca a la víctima.

La víctima de l'agresión, Ángela Soto, ye militante de les Mocedaes Comunistes d'Asturies y del Sindicatu d'Estudiantes. Ángela decidió nun denunciar los fechos hasta esta selmana, pero en faciéndolo y en dándose a conocer los mesmos los comunicaos de condena a l'agresión llegaron dende toles estayes polítiques y sociales. Dende'l PSOE al conseyu de la Mocedá del Principáu d'Asturies, que calificó l'agresión de "sucesu intolerable que recuerda époques superaes" pasando pela Universidá d'Uviéu y colectivos d'estudiantes como "Aula Joven" toos refugaron l'ataque, mientres que la organización a la que ta afiliada la víctima, el Sindicatu d'Estudiantes (SE), foi más allá y denunció la "actitú condescendiente" de les autoridades y Fuerces de Seguridá énte las actividaes de grupos facistes. El SE diz que tienen solicitada una entrevista col Ministru d'Interior dende va tres pa falar d'estos d'estos ataques y fala de la esistencia de más agresiones d'esti tipu en distintos llugares d'España.

La ONG "Soldepaz Pachakuti" condenó tamién esta agresión y esixó-yos a les autoridaes la detención de los responsables, reclamando que nun se consienta dende Delegación nin dende'l Gobiernu asturianu con nenguna entidá pública o particular que permita l'actuación d'estos grupos facistes.