Asturies.com ufre una galería de semeyes del XXXII Día de les Lletres Asturianes

El vienres pasáu celebróse’l XXXII Día de les Lletres Asturianes. Asturies.com tuvo presente tanto na manifestación como nel actu académicu convocaos nesta xornada y ufre una galería de semeyes de les dos actividaes.
 
La Xunta pola Defensa de la Llingua Asturiana entamó una manifestación col lema '¡L'asturianu, llingua oficial!'Da-y al play, movilízate!' dende la Estación del Norte d'Uviéu al Teatru Campoamor. Como ye vezu, tamién tuvo llugar l'actu de l'Academia de la Llingua Asturiana (ALLA), nel que se nomó académicu d'honor a José Ramón Morala Rodríguez. Mentes, José Luis Rubiera Vigil, 'Chechu Rubiera', recibió un reconocimientu de l'ALLA pola defensa y promoción del asturianu per tol mundu.