Asturies.com presenta'l videu de Tejedor

Güei ufiertamos a los nuesos llectores la posibilidá de
ver y descargar el videu del grupu asturianu "Tejedor".



Nun ye habitual que los grupos asturianos de folk graben videos
promocionales de los sos discos. "Tejedor" ye una escepción,
yá que va unos poques selmanes presentaron el que ye'l so primer videu
musical, en concretu del cantar compuestu por Javier Tejedor
"Llunáticos" del
discu
homónimu. El videu lleva la firma del director avilesín
Gonzalo Tapia,
director de dellos cortos y del llargumetraxe "Lena". Nél los
protagonistes principales son los propios "Tejedor", una pareya de
malabaristes y los paisaxes del oriente asturianu, Llanes, Cangues
d'Onís, Caravia o Ponga son dalgunos de los sitios que podemos ver
mientres sentimos esti
"Llunáticos".