Asturies.com llegó a 88.000 visites en mayu

Asturies.com tuvo un nuevu récord de visites esti mes de mayu, pal que'l parte de la Oficina de Xustificación de la Difusión apurre una cifra total de más de 88.000 visites. Esta cantidá de visitesafita a Asturies.com como'l tercer mediu electrónicu más vistu d'Asturies y vien a confirmar l'enfotu de los nuestros llectores, a los que dende equí queremos facer partícipes d'esti ésitu.

Informativamente, el mes de mayu vieno marcáu poles elecciones autonómiques y municipales del día 25, que demostraron el papel d'internet como mediu más afayadizu pa conocer los resultaos, siendo Asturies.com l'únicu mediu que los actualizó en tiempu real a lo llargo de la nueche. Si yá'l domingu rexistrose una cifra de 2.975 visites, mui alta pa ser fin de selmana, el seguimientu de la nueche electoral en tiempu real consiguió un tope de visites históricu, marcando'l día 26 un total de 3.682 entraes con 17.362 páxines descargaes.