Asturies ye la que más baxa nel usu d'Internet

Si hai unos meses falábemos de que les cifres d'usuarios d'Internet
n'Asturies yeren abondo satisfactories, la foleada de seronda del Estudiu
Xeneral de Medios, que mide la penetración d'internet na sociedá, vien agora a contradicir datos anteriores y asitia a
Asturies como la comunidá autónoma del estáu onde más baxó l'usu
d'Internet dientro d'una baxada más o menos xeneralizada que ye la primer vegada que se da na historia d'estos estudios y qu'afecta a Asturies xusto depués de dar un reblagu bien curiosu l'añu pasáu.

Cataluña, País Vascu y Madrid algamen unos porcentaxes d'usu alredor del
27% y xuben usuarios, al empar qu'otres once autonomíes.

Asturies (del
22,7 al 20,5%), La Rioja ( del 24'3% al 23'3%) y Valencia (del 21'6% al
20'8%) son les que más usuarios pierden.

Per otru llau Castilla-La Mancha col 14,65% y Extremadura col 15,6% siguen
nos puestos de baxo de la llista.

Les primeres reacciones a estos datos vinieron en forma de comunicáu de
prensa emitíu ayeri por Izquierda Asturiana (IAS) que pide una esplicación
de les cifres al Principáu y la creación d'un Plan Estratéxicu pal sector.