Asturies xube a nivel d'alerta mediu por COVID-19

|
HUCA

El númberu d'hospitalizaos pasa de 168 pacientes a 247 en cuatro díes.

La Conseyería de Salú comunicó que'l país pasó a tar d'alerta baxa a media por COVID-19 cola actualización última, con datos correspondientes al domingu. Esti aumentu del riesgu marca un cambiu de tendencia no que respeuta a los indicadores rellacionaos col nivel d'usu de los servicios asistenciales, que son los que se tienen en cuenta dende'l 28 de marzu, anque nos que correspuenden a ocupación n'UCI siguen siendo baxos.

Si'l miércoles había 168 persones ingresaes, de les que 156 taben en planta y 12 na UCI, el domingu la cantidá xubió a 247, que se reparte en 238 y 9, de manera respeutiva. Amás hebo 9 muertes estos díes, de pacientes d'ente 47 y 97 años, que ponen el total del andanciu en 2.624.

Na semeya, l'Hospital Universitariu Central d'Asturies (HUCA), que cuenta con dos plantes COVID-19 y valora abrir una tercera.

Contador Estadistiques