Asturies va retrasar el toque de queda a les 23 hores y va ampliar l’horariu de la hostelería

|
Adrián Barbón Xunta Xeneral retrasu toque de queda

El presidente Adrián Barbón anunció esti miércoles na Xunta Xeneral la decisión de flexibilizar les midíes actuales pola pandemia de COVID-19. Asina Asturies va retrasar el toque de queda de les 22 a les 23 hores, va ampliar l’horariu de la hostelería y va reabrir la hotelería.

“A partir de la reflexón y l’análisis colos nuesos epidemiólogos, vamos a ampliar el mal llamáu ‘toque de queda’ a les once de la nueche”, avanzó, pa llueu esplicar que “la Conseyería de Salú va precisar les midíes d’apertura de la hostelería, adaptándola a esa situación”. Nesi sen confirmó que se va promover “la importancia del usu de les terraces como forma de reducir los riesgos de contaxu”.

D’igual forma, una vegada pasada la Selmana Santa, “que pa nós yera’l mayor riesgu”, polo que s’apostó por “torgar la mayor movilidá”, “tamién vamos reabrir la hotelería y los agospios, teniendo en cuenta qu’agora entramos na postrer fase hasta’l 9 de mayu, fin del estáu d’alarma”. “Lo que vusté llama midíes restrictives –refiriéndose al diputáu de VOX, Ignacio Blanco–, son midíes de proteición de la salú que salvaron n’Asturies miles de vides”, defendió.

Semeya (recortada) obra d'Armando Álvarez.

Contador Estadistiques