Asturies rexistró la mayor xuba del paru del estáu

Asturies rexistró en setiembre 3.120 paraos más, lo que supón un aumentu porcentual de 6,56%, el mayor de tol estáu en setiembre. La fin del veranu vuelve a poner al país na realidá de la dinámica destrucción d'emplegu depués d'un mes d'agostu en que la contratación temporal, sobremanera na hostelería, permitió una baxada del paru de más de 1.000 persones, setiembre, un mes que siempre pinta mal na estadística del paru, torció otra vegada'l focicu del mercáu llaboral asturianu, pero esta vegada con una xuba del paru más marcada que n'años anteriores.

Cásique la totalidá del paru que se rexistró dióse nel sector servicios, que pasó de 27.696 paraos a 30.195, colo qu'esti sector ye responsable de 2.499 de les nueves baxes llaborales. Los demandantes de primer emplegu, que pasaron de 9.546 a 10.064 son el sector qu'arrecostina cola segunda mayor xuba sectorial, mientres que la construcción, tradicional creador d'emplegu, tamién desinfló, pasando de 5.367 paraos a 5.422. La industria tampoco nun creó emplegu, rexistrando 48 paros más, mientres que l'agricultura quedó a pre respective a agostu. En total, la tasa de paru n'Asturies ye del 11,93% de la población activo, contra la media estatal del 8,57%. Na interanual, tampoco nun salen bones cuentes, y ye qu'Asturies tien agora 678 paraos más que en setiembre de 2.002, un 1,36% más