Asturies recurre nel constitucional la Llei de Calidá

En conferencia de prensa tres la reunión semanal del Executivu asturianu, el Conseyeru de Cultura confirmó qu'Asturies va presentar un recursu énte'l Tribunal Constitucional contra la Llei de Calidá de la Enseñanza que dio de pasu'l gobiernu estatal y qu'equí alcontró la refuga de gobiernu y sindicatos, que tamién presentaron recursu d'inconstitucionalidá, casu del Suatea. Pela so parte CCOO y UGT elevaron quexa énte'l Defensor del Pueblu

El recursu del Principáu va encontase na invasión que supón esta llei sobre competencies del Principáu espeyaes nel Estatutu d'Autonomía y na mala interpretación que fai del artículu 27 de la Constitución no que cinca a la planificación de la enseñanza por parte de los poderes públicos. Amás d'estos puntos, el recursu va criticar los conceptos que mete la llei sobre la demanda o la llibre elección de centros, que tamién puen afectar a la competencia de planificación que-yos correspuende a
les comunidaes autónomes. Asturies monta con esti recursu al carru de les comunidaes gobernaes pol PSOE y nel que yá tan Andalucía, Cataluña y Castiella-La Mancha .