Asturies quema

Entovía nun llegó'l veranu y Asturies yá ta otra vez atacada d'incendios. Ayeri prendieron más de 50, los más d'ellos pa la parte l'occidente y sobremanera en conceyu de Cangas del Narcea, y agora entovía siguen quemando más de 30. Anque'l Gobiernu asturianu lleva dende l'añu pasáu poniendo más recursos pa la llucha contra'l fueu, los efectivos del Ceispa y los bomberos nun dan abastu. El mesmu Ceispa barrunta que los fueos tienen de ser intencionaos, porque nun hubo tormentes eléctriques que los provocaren, y menos viendo la cantidá d'ellos qu'hai. Mientres se prepara un añu caliente, los incendios son anguaño una amenaza rial de desertificación n'Asturies, como alvierte un estudiu de la Universidá d'Uviéu.

Contador Estadistiques