Asturies prefier "ver la evolución de les selmanes próximes" pa quitar la mázcara n'interior

|
Pablo Ignacio Fernández Muñiz nel Conseyu Interterritorial de Toledo

El Gobiernu estatal tien decidío retirar la obligatoriedá del so usu'l miércoles 20.

La postura d'Asturies nel Conseyu Interterritorial del Sistema Nacional de Salud celebráu na tarde d'ayeri de forma presencial en Toledo, onde se trató la eliminación de la mázcara n'espacios d'interior, foi la de "astenese d'opinar nestos momentos. Debemos evaluar, ver cómo ye la evolución, d'hospitalizaciones sobre manera, de les selmanes próximes pa tomar esa decisión", confirmó'l conseyeru Pablo Ignacio Fernández Muñiz. Nesi sen, esplicó que "la tendencia d'hospitalizaciones equí entovía nun camudó hacia un ameyoramientu, sinón que siguimos inclusive incrementando levemente'l númberu de persones hospitalizaes".

La decisión de quitar la obligatoriedá correspuende al Conseyu de Ministros al tar regulada por decretu llei y la ministra de Sanidá, Carolina Darias, confirmó ayeri la so intención de llevalo al axuntamientu previstu'l martes 19 pa qu'entre a valir la midida'l día siguiente. Delles comunidaes, como Madrid, Catalunya y Canarias, queríen que la retirada de la obligatoriedá s'adelantara a enantes de la Selmana Santa, dalgo que tamién defendía l'Executivu, pero finalmente afitóse la postura de la mayor parte de les autonomíes d'esperar al informe de los téunicos de la Ponencia d'Alertes.

Sí nel tresporte públicu

La retirada de la mázcara va ser progresiva. Asina, el so usu va siguir siendo obligatoriu nel tresporte públicu y centros asistenciales y sanitarios.

Contador Estadistiques