Asturies, potencia en gas

Los responsables de la multinacional Heritage Petroleum PLC, que yá tenía de va tiempu el preste del Gobiernu asturianu pa sacar alantre un proyectu d'estracción de gas nos antiguos pozos de les cuenques mineres, dixeron a la revista Oil Barrel que, énte los problemes que ta teniendo pa sacar alantre los proyectos que tien pa la parte de Michigan (EUA) la empresa va centrase en nos proyectos que tien p'Asturies. Heritage pidió permisu pa sondiar en diez conceyos nes cuenques del Nalón y Caudal, nos que na compañía quería estudiar la esistencia de de bolses de gas metanu arreyaos a antiguos pozos mineros. L'interés de la empresa americana vien d'un estudiu que fizo en 1.989 la Union Texas y que decía que la cuenca central asturiana podía tener sobre 85 billones de metros cúbicos de metanu que podrín valer en mercáu hasta 2 billones de dólares en casu de poder recuperase toes. Agora, Heritage anuncia que ve potencial d'esplotación nes prospecciones de la cuenca'l Caudal y diz tamién que ta interesada n'esplorar la parte de La Camocha, en Xixón, y dan un plazu d'un añu pa saber seguro que van facer colos recursos asturianos de gas.