Asturies fai frente común con Galicia, Euskadi, Gobiernu estatal y axentes sociales pa salvar el sector naval

|

Javier Fernández, presidente del país, participó’l llunes nuna reunión nel Ministeriu d’Industria pa tratar la obligación de devolver les ayudes europees al sector naval. Asturies va facer frente común pa intentar salvar esta industria.

Asina, xunto con Galicia, Euskadi, el Gobiernu estatal, Pymar, CO OO y UXT, decidió recurrir énte’l Tribunal de Xusticia de la Xunión Europea la decisión de Bruxeles de reembolsar las subvenciones financieres al sector naval, conocíes como ‘tax lease’, del periodu 2007-2011. Éste va presentase enantes del 28 de setiembre col convencimientu de que pue salir alantre, “yá qu’hai argumentos de tipu xurídicu suficientes pa que prospere”, señaló Fernández.

“El recursu plantégase porque ye evidente que si teníamos razones sólides de tipu xurídicu enantes d’ayeri, nun podemos abdicar d’elles, y eso nun ye unviar un mensaxe d’incertidume a los inversores”, continuó’l socialista pa tranquilizar a los astilleros, que temen un descensu de l’actividá. Tamién señaló que’l sistema nuevu de ‘tax lease’ avaláu pola Comisión Europea va garantizar que “nun ocurra otra situación como la que vivimos”, amás d’augurar un bon futuru al sector naval.

La Comisión Europea decidió recién que les bonificaciones del ‘tax lease’ a los astilleros estatales ente’l 2007 y 2011 deberíen ser devueltes por considerales illegales, reduciendo en dos años les sos intenciones iniciales énte les demandes de alministraciones y los astilleros. Les empreses consideren esta obligación como una ferida mortal pal sector. 

 

Contador Estadistiques