Asturies, Euskadi y Cantabria esíxen-y compensaciones al estáu pol Prestige

Les trés comunidaes autónomes esixéron-y ayeri al gobiernu nun comunicáu conxuntu que-yos reintegre dafechu'l gastu que tuvieron que facer por culpa de la catástrofe del Prestige, un gastu que les comunidaes periten en 132 valorando en millones d'euros, repartíos, eso si, mui desigualadamente. Asina, Asturies ye la que prsentó una cuenta más axustada, 11 millones d'euros lo que-y costó retirar les 4.300 tonelaes de galipote que se pañaron equí, mientres que los vascos gastaron 56 millones en recoyer 24.000 tonelaes y Cantabria 65 millones en pañar 21.000 tonelaes. Aparte de reclamar el gastu na retirada del galipote, la demanda estiéndese a futuribles, y asina les trés autonomíes piden que l'estáu cargue col gastu que "tuviere de facese pa minimizar nel futuru les consecuencies de la marea prieto". Les autonomíes afectaes tamien piden que l'estáu faiga "cuantos estudios se precisen" pa medir l'impactu mediuambiental de la marea nos recursos naturales y nel conxuntu de la costa" y que financie los estudios que nesti sentíu quieran entamar les CCAA. Los firmantes del documentu piden que se trabaye hasta que quede garantizao dafechu la desapaición de restos del vertíu.

Recoyendo una esixencia de vieyo, el documentu pide queamás del restablecimientu mediuambiental y la retirada del vertíu, tamién s'entamen midíes compensatories proporcionales al dañu directu, indirectu y inducíu deriváu de la marea prieto en toles estayes d'actividá económico. la tresparencia na información sobre'l llabor de retirada de fuel del cascu del barcu ye otra esixencia d'un documentu que propón desarrollar na UE y nel ámbetu internacional "iniciatives empobinaes a desaniciar les llendes qu'hai anguaño a la responsabilidá de los axentes causantes de la contaminación", faciendo un apueste pola propuesta y adopción nes instituciones europees de les estratexes y decisiones empobinaes a meyorar la seguranza del tresporte marítimu y quese tengan ellaboraos planes de continxencia que prevengan situaciones catastrófiques y qu'apauten el camín pa evitar más accidentes.

La carta al Gobiernu central remata diciendo que "Bien lloñe d'un plantegamientu de normalidá, la situación xenerao pol fundimientu del Prestige entovía sigue, lo mesmo que l'apaición diario del galipote que permanez nel mar Cantábricu" por ello, y teniendo en cuenta que'l tiempu del inviernu va traer esti galipote pa contra la costa "Tamos nun escenariu nel que nun pue dase por peslláu l'episodiu del Prestige, en cuantes que nun ye ún problema que tea iguáu nin una situación que tea superada"