Asturies algama l'oxetivu del 85 por cientu de la población con pauta completa de vacunación

|
Vacunación COVID-19

Punxéronse 1.676.782 dosis hasta la fecha.

Nel momentu nel que la variante delta convirtióse na mayoritaria, los espertos coincidieron nel que'l 70 por cientu de población vacunada marcáu nun primer momentu nun yera suficiente p'algamar la inmunidá del grupu. Nesi momentu dalgunos asitiaron el 85 por cientu como la barrera nueva a superar, un porcentaxe qu'Asturies consiguió ayeri.

865.964 persones tienen nel país la pauta completa, lo que supón el 85 por cientu xustu de la población. Si miramos los mayores de 12 años, a los que ta destinada la campaña de vacunación, la cifra ye del 92,49 por cientu, y namái 8.425 ciudadanos refugaron la vacuna de forma voluntaria.

Asturies ye la primer autonomía n'algamar esti porcentaxe, con Galicia como segunda con meyores datos con un 84 por cientu llargu de población cola pauta completa. La media estatal, con datos del martes, raspia'l 78 por cientu.

Contador Estadistiques