Asturies 1911

La famosa Encyclopedia Britannica ta acabante de poner na rede un interesantísimu documentu, nada menos que la edición entera de la obra... Na so edición de 1911. 29 volúmenes, escritos por más de 1.500 autores en tol mundu faen d'esta enciclopedia ún de los documentos más interesantes qu'hai pa conocer la visiópn que se tenía del mundu poco enantes de la primer gran Guerra Mundial. Asturies tien entrada na enciclopedia, y anque la llectura del testu nun ye tolo amañosa que debiere por fallos na dixitalización, presta ver que ponen sobre'l nuestru país va noventa y tantos años. Yá de mano,lo primero de que se fala ye de les malísimes comunicaciones del llugar y de la importancia de los ferrocarriles, anque lo más simpático ye parase a ver el rellatu históricu que se fai d'Asturies, nel que namás se fala de la heróica reconquista. Eso sí, la Britannica reconoz l'idioma asturianu y fai reseña de los "nómades" vaqueiros.

Contador Estadistiques