Asepeyo meyoró resultaos n´Asturies

La mutua aseguradora Asepeyo dio anuncia de los sos resultaos empresariales del añu 2002 nel país. La recaudación de la empresa de seguros algamó el añu pasáu n'Asturies 25.443.246 euros, lo que supón una xuba del 9,41%. Estes perres corresponden a la suma de les cuotes por accidentes de trabayu y la d'incapacidaes temporales. N´Asturies la compañía atiende a 40.144 trabayadores de 5.782 empreses, y ye una de les mutues d´accidentes de trabayu y enfermedaes profesionales más importantes que tienen presencia n´Asturies. Son bonos resultaos que llamen l'atención agora que´l sector asegurador nun ta viviendo un momentu bonu. Entovía más, Asturies tuvo penriba de la xuba media estatal dingresos de la mutua, que foi del 9,27%

Asepeyo tien delegaciones n´Asturies nes ciudaes d´Avilés, Xixón y Uviéu, y nelles trabayen más de venti profesionales del sector asegurador. L´aseguradora tamién tien un conveniu de collaboración cola Universidá d´Uviéu pol que los universitarios asturianos tienen la oportunidá de facer práctiques d´empresa na compañía de seguros, y ye que de fechu Asepeyo ye una de les empreses que más universitarios acueye, anque-y sal de baldre porque la beca nun ye remunerada