Argayu nuna cantera d'Avilés

La cantera de l'Atalaya, en La Maruca, conceyu d'Avilés, taría incumpliendo'l plan d'Esplotación, según el Colectivu Ecoloxista d'Avilés, que denunció a la cantera énte la Dirección de Mines y la Dirección de Calidá Ambiental del Principáu y el Conceyu d'Avilés qu'esta selmana argayare'l frente izquierdu de la cantera pa la parte más allegada a les Torres de Cristalería, asitiaes al final del Camín vieyu de Pravia, cortáu pola cantera



Va dos años que la empresa entamare un procesu de restauración ambiental obligáu por llei y que los ecoloxistes denuncien que foi más aparente que real, como vendría a demostrar l'argayu d'esta selmana, que llevó per delantre les castañales que quedaben del nel llugar y tamién dellos pinos. La empresa comprometiérese nel Plan d'Esplotación a caltener aquellos árboles y plantar más pa facer una pantalla verde que guardare a los vecinos del ruidu y de la polvareda que llevanta la cantera. Los ecoloxistes piden que s'actúe contra esta cantera, que yá tien enriba un carráu de denuncies y quexes a les qu'agora amiéstase tamién el peligru que supón el que'l frente de la cantera ta allegándose peligrósamente a les cases.