Areces y Revilla apauten sacar alantre la llinia Soto-Penagos

La coincidencia, por primer vez na historia, de color políticu ente los dos gobiernos autonómicos d'Asturies y Cantabria, afaló la celebración, tamién por primer vegada, d'un cume ente los xefes de los executivos autonómicos. El resultáu de la xunta d'ayeri en Villacarriedo ente Areces y el presidente cántabru Miguel Ángel Revilla foi un documentu conxuntu en que, tres d'una declaración de principios decompromisu cola Constitución y la unidá d'España, dambos gobiernos alcuerden unos puntos mínimos sobre cuestiones d'interés común, rescamplando d'ente elles la cuestión del desbloquéu de la llinia d'alta tensión Soto-Penagos, una infraestructura que HC punxo como condición indispensable pa construyir nueves centrales térmiques n'Asturies.

El documentu conxuntu sorraya la "crucial importancia" de la llinia, qu'entamó a construyise en 1989 y que d'entós p'acá vieno faciéndose a trompicones cola rocea y l'enfrentamientu de dellos conceyos qu'atravesaba, tando anguaño bloqueada pola oposición de los conceyos cántabros. El testu qu'ayeri firmaron Areces y xbnhgfnhgf nun ye solo que-y dea un emburrión a la conclusión de la llinia, sinon que la rebautiza como "autopista de la enerxía" y nelli dambos gobiernos comprométense a collaborar en toes aquellas xestiones que faigan falta pa sacar alantre la llínia. Entovía más, Asturies y Cantabria comprométense tamién a facer un frente común pa que'l Gobiernu vascu tamién acepte la prolongación de la llinia per territoriu d'ellos y asina poder llevala hasta Francia, ampliaciónque nun taba prevista nel plantegamientu inicial de la llínia.

Les consecuencies de la marea negro del Prestige son otru de los puntos importantes del documentu. Asturies y Cantabria entienden que la marea dañó les economíes de dambes comunidaes, y píden-y al estáu un paquete d'actuaciones, les más d'elles rellacionaes cola promoción del turismu, y tamién la restitución de los daños causaos y del gastu que ficieron les CCAA pa retirar el galipote.

Precisamente a cuentu de les consecuencies de la marea prieto, nel documentu faise otru bloque dedicáu a turismu. Asturies y Cantabria píden-y al estáu la creación d'un plan conxuntu de promoción de la"España verde" y da-yos preferencia a les campañes turístiques nesta "españa verde" sobre les demás. Tamién en rellaciónal turismu plantégase un bloque de midíes conxuntes sobre "recursos naturales" que se centra nes polítiques a siguir nel Parque de los Picos d'Europa, pal que se propón meyorar el Plan de Recuperación del Osu y del faisán Montes y el control de la población de xabalinos. l'alcuerdu sobre los Picos dexa una puerte abierta al cambéu del modelu de xestión del parque, pidiendo que se "profesionalice la xestión" superando asina "les tentaciones de politización del parque" .

Les infraestructures viaries ocupen la parte final del documentu. Nesta estaya fálase de la conversión en carreteres de dellos caminos que s'esparden per tola raya ente Asturies y Cantabria, y pídese-y al estáu la creación d'un exe d'autovía ente Cantabria y l'Ebro y acabar la obra de la parte ente Unquera y Llanes de l'Autovía del cantábricu