Aprobada la toponimia de Llanera y El Valle Baju de Peñamellera

Namái queden 6 conceyos por cumplir el procesu de recuperación de los nomes tradicionales.

El Conseyu de Gobiernu d'esta mañana aprobó los decretos toponímicos de Llanera y El Valle Baju de Peñamellera, que queden agora pendiente de la espublización nel Boletín Oficial del Principaú d'Asturies. Son los conceyos númberu 71 y 72 en dar esti pasu.

Antón García, direutor xeneral de Política Llingüística, comunicara la selmana pasada na Comisión de Facienda sobre’l Proyeutu de Llei de Presupuestos que l'espediente d'estos dos llugares taben próximos a cumplir esti últimu trámite, cola intención de que los 6 restantes lo faigan l'añu viniente. Somiedo, Cuideiru, Allande, Caravia, Ibias y Navia son los que queden por completar el procesu.

Na semeya, Conseyu de Gobiernu d'esta mañana, presidíu pol vicepresidente Juan Cofiño pola baxa d'Adrián Barbón, afeutáu pola COVID-19 y aislláu nel apartamentu de Presidencia.