Aprebáu l'organigrama de la Conseyería de Cultura

El Conseyu de Gobiernu d'Asturies dio de pasu ayeri lo que va ser l'organigrama de les nueves conseyeríes resultantes de la reorganización de les estayes de gobiernu pa la llexislatura 2.003-2.007, ente elles la nueva Conseyería de Cultura, Comunicación Social y Turismu. Ello ye que como órganos centrales la Conseyería va tener una Secretaría General Técnica y tres direcciones Xenerales, que van ser la de Turismu, la de Deportes y la de Promoción Cultural y Llingüística, de la que va depender, según la nota oficial de prensa, la "novedosa" Oficina de Política Lingüística.

Esti nuevu organigrama yá consagráu, vien asina a resucitar l'antigua Oficina de Política Llingúística que funciónó dende 1991 hasta'l gobiernu de Sergio Marqués, y que sustituyó al Serviciu de Política Llingüística, que trabayó ente 1983 y 1991.