Aplázase la entrega de los XX Premios de la Crítica

|
Adolfo Camilo Díaz

Adolfo Camilo Díaz súmase a los gallardonaos n'asturianu, Aida Escudero y José Ángel Gayol. Va recibir el de Meyor Columna Periodística pola so contribución a la cultura asturiana.

La situación sanitaria pola pandemia de COVID-19 obliga a l'Asociación d'Escritores d'Asturies a aplazar la entrega de los XX Premios de la Crítica, prevista güei. La intención d'esti coleutivu ye desendolcar l'actu más alantre cuando se dean condiciones más afayadices.

Los premiaos, en llingua asturiana, son Escudero na estaya de poesía por ‘Esti llugar qu’agora ye nuesu. Poemariu neanderthal’ y Gayol por ‘En primera persona’ en narrativa, dambes obres editaes por Trabe. Mentes, Díaz lleva'l reconocimientu del xuráu del gallardón al Meyor Columna Periodística, conformáu por Cristóbal Ruitiña, Miguel Valle Castaño y Isabel Moro, con José Marcelino García Fernández-Luanco como secretariu.

"Sobre la so obra enciéndese l'entusiasmu por tolo asturianu y la so cultura, na multiplicidá de los sos ambientes; escribiéndolo y describiéndolos con harmonía y maestría singular", apunta l'acta. Otra manera, en castellanu l'escoyíu foi Joaquín Fuertes.

Enantes, los diferentes xueces convocaos pola asociación decidieran que'l ganador en poesía fora Juan Ignacio González por ‘Los Jardines en Ruinas’ (Bajamar), y en narrativa Carmen Cabeza por 'Nadie somos Ingrid Bergman' (Nieva). Completa los gallardones el XV Premiu de les Lletres d'Asturies, que ye pa la escritora Carmen Ruiz Tilve en reconocimientu a la so trayeutoria lliteraria.

Contador Estadistiques