Apaez otra vaca lloca

La Conseyería de Mediu Rural y Pesca dio parte ayeri pela tarde de l'apaición d'un casu nuevu d'Encefalopatía Esponxiforme Bovino (EEB) nuna vaca d'una ganadería del conceyu de Navia. El mal detectárase primero col test "prionics" y ta acabante de confirmalu'l llaboratoriu de referenciade Zaragoza.

Con esti casu, el total d'animales que dieron positivu a la EEB n'Asturies nel 2003 ye yá de nueve sobre un total de 24.966 análisis que se lleven fechos, y ye la tercera d'esti mes de payares. Les dos últimes vaques lloques asturianes hasta agora apaecieren el día 11
en dos cuadres distintes, una de Cuaña y la otra de Tapia.