Andalucía, Madrid y Cataluña faen el trunfu del PSOE

El PSOE sáca-y al PP quince escaños en Cataluña y otros tantos n'Andalucía, comunidaes onde s'afita'l trunfu socialista nestes elecciones. Madrid ye la tercer pata del bancu que tien pol trunfu socialista. Anque l'escrutiniu nun ye definitivu, los datos provisionales dan que na capital del estáu, el PSOE recupera la diferencia col PP y rexistra una feble victoria con un escañu más que los populares, pasando los socialistes de 12 a 16 y los populares de 17 a 12 escaños. Tres d'esti resuñtáu, la diferencia que-y da'l trunfu definitivu al PSOE sal de Cataluña y Andalucía. En Cataluña, el PSOE pasa de 17 escaños nel 2.000 a 21, mientres que'l PP baxa de 12 a 6. N'Andalucía, onde tamién se celebraben güei elecciones autonómiques, el PSOE pasa de 30 a 38 y el PP baxa de 28 a 23. El trunfu del PSOE n'Andalucía tien una víctima: Izquierda Unida, que pasa de 3 escaños a cero.

Nes demás comunidaes autónomes, los resultaos son más axustaos ente PP y PSOE, y los populares ganen por poco a los socialistes en delles comunidaes, casu de Galicia (12 escaños del PP por diez de los populares, que con too y con ello baxen 4), Castiella-La Mancha (11 a 9), Valencia (17 a 14) Murcia (6 a 3). Estremadura rexistra empate técnicu a cinco escaños, y Navarra y La Rioja empate a 2, mientres que n'Aragón gana'l PSOE por 7 a 5 escaños. Euskadi da-yos tamién ventaya a los socialistes sobre'l PP por 7 a 5