Ana Rosa Migoya promete un "plan de normalización del bable"

La conseyera de cultura dio ayeri una rueda de prensa pa esplicar los sos proyectos nel cargu. El tema de la TV autonómica centró'l discursu d'Ana Rosa Migoya, que dixo que garantizaba qu'echaría a andar la emisora inclusive contra "la rebeldíay el boicó del PP" nesti asuntu. Migoya refiriose tamién a la continuidá de les xestiones pa poner en marcha equipamientos culturales como'l plan de la Universidá Laboral, el Muséu del Xurásicu, l'ampliación del Muséu de Belles Artes o los Museos de la Siderurxa y de la Industria, el Parque de la Prehistoria de Teberga, y faló tamién de les iniciatives que cuenta con echar a andar en materia de Llingua Asturiana.

La conseyera garantizó l'aprobación a lo llargo d'esti cursu políticu del "plan de normalización social del bable" que va permitir el reconocimientu y presencia en tolos niveles educativos y nos medios de comunicación de la llingua, anque, según ella mesma esclarió, "ensin apostar pola oficialidá" en cuantes qu'esta, "nun ta contemplada" nel pactu de gobiernu suscritu ente PSOE y IX.