Amplia respuesta social a la 'novillada' de Cangues

|
Manifestación contra la 'novillada' de Cangues d'Onís

L'eventu, primer corrida en 40 años, va tener llugar nuna finca privada de Mestas de Con.

La organización d'una 'novillada' dientro del Circuito de Novilladas del Norte, como festexu clasificatoriu, llevantó una fola d'indignación en Cangues d'Onís y el toa Asturies. Los 'novilleros' Isaac Fonseca, Villata y Álvaro Burdiel son los participantes anunciaos pa una cita prevista pa les 17.30 hores del día 22 nuna plaza portátil con nuviellos de la ganadería d'Albarreal y pa la que yá hai entraes a la venta a 18 euros pa públicu xeneral.

La respuesta en redes sociales n'oposición a esti eventu nun tardó y ayeri entamóse una concentración na villa qu'axuntó a más de 100 persones. Vecinos y coleutivos animalistes participaron na convocatoria entamada pola Asociación Nacional Animales con Derechos y Libertad (ANADEL), Arriguau y Huellas del Sella, que contó col sofitu del PSOE y Podemos, partíos na oposición xunto col edil non adscritu Pedro García Rama llueu d'abandonar Foro.

L'equipu de gobiernu municipal, del PP, con mayoría absoluta, deféndese asegurando que nun tien competencia pa prohibir l'eventu. Ésta correspondería-y al Gobiernu.

Campaña de recoyida de firmes

Na rede ta agora en marcha una campaña de recoyida de firmes na plataforma dixital Change.org dirixida al Conceyu baxo'l títulu 'El 22 d'agostu en Cangues d'Onís. Tortura Animal. Stop a los toros n'Asturies. Toros non'. Hasta'l momentu lleva 2.911 apoyos.

Na imaxe, un momentu de la concentración d'ayeri frente a la Casa Conceyu. Semeya propiedá d'ANADEL, ún de los coleutivos organizadores.

Contador Estadistiques