Alvaro Cuesta, cabeza de llista pol PSOE

A trés meses de les prósimes elecciones xenerales, les apuestes sobre quien van ser los cabeces de llista polos partíos más importantes nes autonomíes tan ferviendo. Mientres el PP dio anuncia de que nun van nomar candidatos hasta en disolviéndose'l parllamentu, el diariu d'ámbitu estatal El País da esta mañana una llista colos candidatos pol PSOE pal congresu nes distintes autonomíes. Sabíase que nel sén del PSOE trabayábase colos nomes del secretariu xeneral de la FSA Javier Fernández, la eurodiputada Ludivina García Arias, Celestino Fernández y Álvaro Cuesta, pero'l rotativu madrileñu da por seguru'l nome del uvieín Cuesta, que ye anguaño'l secretariu de política municipal del PSOE. Álvaro Cuesta yá foi cabeza de llista pol PSOE nel 2.000 y ye una de les persones en que más enfotu tien el candidatu socialista a la presidencia del gobiernu, José Luis Rodríguez Zapatero. El día 9 tien d'aconceyar la comisión de llistes del PSOE que dea de pasu los nomes definitivos.