Algaire va participar nun alcuentru-conciertu en La Lechera de Cancienes

L'actividá col grupu ganador del últimu Premiu Camaretá al Meyor Cantar forma parte de la iniciativa Autores nel Camín.

Corvera va acoyer un alcuentru-conciertu con Algaire esti xueves dende les 19 hores. Va ser en Cancienes, en La Lechera, con entrada llibre hasta completar aforu.

El públicu presenta va poder disfrutar de la presencia d'Iratxe Espina, Carla Miranda, Loreto Suárez y Juan Yagüe, y sentir cantares como 'Coral y maera', col que ganaron el XIV Premiu Camaretá l'ochobre pasáu. Algaire ta agora trabayando no que va ser el so segundu discu, 'Semando son', del que yá adelantó un cantar, 'El mio camín', una versión de Desakato.