Alderiques fala en Twitch de deporte asturianu

|
Alderiques en Twitch

Samuel Gradín y Pablo R. Guardado van conversar de fútbol profesional y de Tercera, ciclismu o baloncestu, ente otres disciplines.

Alderiques sigue cola so apuesta por Twitch, plataforma que permite la emisión de vídeos en direuto y interaición col públicu que ta teniendo un gran ésitu, principalmente ente la xente mozo. Un mediu n'espoxigue onde l'asturianu ta ganándose un espaciu.

Yá son delles les emisiones entamaes por Gradín, con entrevistes a la ciclista profesional Alicia González, col músicu Héctor Braga o col equipu de 'Sentir Asturies' de RPA. Esta tarde ta programada una sesión nueva, a les 20 hores, na que'l conductor va falar col redautor d'Asturies.com Pablo R. Guardado de l'actualidá del deporte asturianu, tanto del Sporting y l'Uviéu como de los equipos que tán lluchando pola permanencia en Segunda División B y pol ascensu en Tercera, con tiempu tamién pa la Vuelta a Asturies o pa otres disciplines como'l baloncestu.

Na semeya, emisión última d'Alderique en Twitch.

Contador Estadistiques