Alavés 2 - Sporting 1

El Sporting perdió en Mendizorroza depués d'adelantase nel marcador contra un Alavés que supo aprovechar los furacos d'una defensa que tien erros impropios de la categoría del equipu. Tres d'un arranque buenu, llegó'l gol d'Ismael que punxo per delantre a los asturianos, pero los vascos empataron bien luego con gol d'Edu Alonso. Anque el Sporting siguió xugando curioso y hasta tuvo dos ocasiones pa volver a marcar, los de Marcelino desinflaben según pasaba'l partíu y acabaron cediendo un segundu gol que-y daba'l trunfu al Alavés. Derrota inxusta vistos los méritos d'un Sporting que, anque ensin figures, xuega curioso y echao p'alantre, pero que nun ye a rematar y qu'acaba dándose al contragolpe. Habrá que ver lo que pue dar de sí l'equipu en recuperándose les munches baxes que tien por mancadures.