Al Qaeda reivindica l'atentáu nun video

A les 0:45 d'esta nueche, el ministru Acebes apaeció por tercer vegada nel día d'ayeri énte los medios pa dar la última: Al Qaeda asume l'atentáu nun vídeu que dixo que s'atopó nuna papelera de la carretera M-30 dempués de qu'a les 19:40 una llamada a Telemadrid avisare de la esistencia de la grabación.

Nel videu, siempres según la descripción que fizo Acebes, un paisano cola cara destapada y vistíu "d'árabe" y con acentu marroquín reivindica l'atentáu y diz qu'elli ye Abu Dukhan al-Afgani, portavoz militar d'Al-Qaida n'Europa. El ministru dixo que los servicios secretos internacionales consultaos nun teníen ficháu al portavoz y desconocíen de la so esistencia.

Nel comunicáu, el supuestu responsable d'Al-Qaida n'Europa fala de que l'atentáu faise dos años y mediu dempués del 11-s en rempuesta a la collaboración del gobiernu español col "criminal" Bush y los sos aliaos na invasión d'Iraq. El comunicante diz que "vosotros sois cristianos y queréis la vida, nosotros somos musulmanes y queremos la muerte" y alvierte de que lo de Madrid ye bien poco en comparanza colo que diz que va venir.