<FONT COLOR="#0080FF">Al 91% del recuentu, el PSOE tien mayor&iacute;a relativa de 22 esca&ntilde;os</FONT>

Al 91% del recuentu del recuentu pa les autonómiques, el PSOE ganaría les elecciones col 40,3% del votu y 22 escaños, el PP quedaría segundu con 19 escaños y el 39,2% del votu y Izquierda Xunida algamaría 4 escaños col 11,3% del votu. Anque nun se puede dicir nada seguro hasta qu'acabe'l recuentu, nel qu'entovía falta'l votu de la comunidá emigrante, que censa a 57.269 asturianos y asturianes, dase cásique por afitao que'l PSOE pierde la mayoría absoluta, y lleva un mazazu grande en comparanza col 99, cuando sacó sobre 13 puntos de ventaya al PP, que güei allegose hasta namás 9 décimes del PSOE. Izquierda Xunida sacó más de 7.000 votos que nes autonómiques anteriores, pero ello contrasta colos mediocres resultaos d'IU nos conceyos, onde quedó cásique igual que nel 99 y perdió la mayoría en Llangréu. URAS desapaez de la Xunta Xeneral con 15.000 votos y el PAS queda con 10.000 votos (1,9%), lloñe de volver a entrar al parlamentu. Pa conocer los datos definitivos, nel web del Ministeriu del Interior tan los datos de les municipales y nel especial del Principáu los de les autonómiques