Agayo Eonaviego homenaxa a los impulsores de les normes ortográfiques del idioma

Cúmplense 30 años de la edición de la propuestes de normes ortográfiques fecha por un grupo de profesores del occidente.

L'Auditorio da Casa da Cultura de Tapia acueye a les 19 hores un homenaxe a los sos impulsores baxo'l nome de '30 anos de trabayo. Celebrando as nosas normas'. "Vaise recordar cómo foi el proceso d’ellaboración das normas ortográficas y vaise fer un repaso dos llogros alcanzaos con ellas nel proceso d'estandarización y normalización social del eonaviego nos últimos 30 años", apunten dende Agayo Eonaviego, coleutivu qu'entama esti actu en collaboración col Conceyo.

"Esta publicación valíu pra darye autonomía á nosa llingua y sentóu as bases pra mantella viva cuas particularidades que la definen como idioma propio", espliquen. Ésta espublizóse nel 1993 baxo'l nome de 'Proposta de normas ortográficas y morfolóxicas del gal(l)ego-asturiano' por un grupu de profesores de la zona dirixíu polos filólogos Ignacio Vares y José García García cola coordinación del Serviciu de Política Llingüística del Gobiernu.

Va completase l'eventu con un recital poético-musical con testos líricos na llingua del occidente del país a cargu d'un grupu d'alumnos y alumnes de Voces Compartidas del IES Galileo Galilei de Navia.