Actualización pal navegador n'asturianu

El navegador mozilla val pa restolar pela rede y funciona tamién como cliente avanzáu de corréu electrónicu y noticies, cliente de chat IRC y tamién lleva enxertu un editor e códigu HTML pa facer páxines web

Xosé S.Puente ye'l responsable del llabor de traducción al asturianu de tolos comandos d'esti programa de códigu abiertu que pue descargase lo mesmo pa entornos Windows como pa distribuciones GNU/Linux y sistemes Mac OS X.

La versión nueva de Mozilla permite navegar con pestañes que permiten abrir delles páxines d'un clic namás, colo que se pue configurar una páxina d'aniciu múltiple. Pa desaniciar los pop-ups y otres ventanes molestes, dispón d'una función de bloquéu configurable pol usuariu y amás da opción a torgar la carga de semeyes, colo que la navegación pue facese más rápida, mientres que como programa de corréu, tien capacidá pa remanar delles cuentes distintes y lleva amás arreyáu un filtru anti-spam. La tercer gran novedá del Mozilla 1.7 ta n'aplicación de diseñu html que vien col programa, que funciona agora con fueyes d'estilu CSS y fai más amañoso'l trabayu con tables de composición

Pa más información y pa la descarga del programa pue consultase la web oficial del proyectu