Acaba'l ciclu "Folk de Cámara"

Esti vienres celébrase nel Muséu Casa natal de Xovellanos de Xixón otra entrega del ciclu de conciertos de Folk de Cámara. Los músicos que van participar nesti cuartu conciertu, col que pieslla'l ciclu, van ser el vigulinista Lisardo Prieto, la clarinetista Lorena García y el guitarrista Xel Pereda

Lisardo Prieto, qu'entamó de gaiteru, ye anguaño ún de los vigulineros más importantes na escena folk
asturiana.
Fundador del grupu N¹arba en 1997, ye tamién miembru de Felpeyu
dende'l 99 y pon clase a dellos vigulineros mozos. Otramiente, lorena Santos ye la última producción de la cantera de clarinetistes del grupu "Los Gatos del Fornu", la única formación
asturiana qu'amiesta con ésitu les dos estructures de bandina tradicional
y
de grupu folk folk. Lorena García garró'l relevu del gran
Inda
Santos en Los Gatos, confirmándose dafechu como la clarinetista
cabezalera
de la escena folk asturiana.

Pa rematar, Xel Pereda, guitarrista de Felpeyu a primeros de los 90, fichó en 1996 por Llan de Cubel y ye'l responsable de l'espardimientu nel folk asturiano de
les afinaciones abiertes na guitarra acústica. Anque ye un músicu
perpolifacéticu, la guitarra ye l'instrumentu que más trabaya y col que tien
el
mayor reconocimientu dientro y fuera de les nuestres fronteres.

El programa pal conciertu del vienres inclui el Romance del cura / Danza de la
Penosa / Ramu de L.lindouta / Alborada de Rimsky, la Marcha procesional de Balmonte, La flor del romeru, El besu, San Roque, Caleyucu, Tambores de guerra, el Pasucáis
de la ronchina, Yera de peral el santu y otres pieces ente les qu'hai delles estranxeres, casu de la bretona Tonioù bale deus kreiz
Breizh

o Johnny Hartley's