Abre la matriculación pal Taller d'Asturianu que se celebra en Villaviciosa

|
Atenéu Obreru de Villaviciosa

Va ponese de baldre del 7 de febreru al 31 de mayu, con clase tolos martes de tarde.

El Serviciu de Normalización Llingüística 'Comarca de la Sidra', en collaboración del Conceyu de Villaviciosa, entama un nuevu Taller d'Asturianu. Como n'ocasiones anteriores, la sede va ser l'Atenéu Obreru.

El cursu ta empobináu a toa persona interesada n'ampliar los sos conocimientos sobre llingua asturiana independientemente del nivel, y atenderá tanto pa la estaya oral y como pa la escrita, onde entrará'l repasu de les principales normes ortográfiques, tratando de aumentar al traviés del coaprendizaxe la competencia individual. La historia de la llingua y la so lliteratura, asina como los aspeutos sociollingüísticos, tarán tamién ente los conteníos.

Les clases van desendolcase los martes de 18 a 20 hores, con matriculación gratuita hasta'l 7 de febreru. La xente interesao ha formalizar la inscripción nel corréu electrónicu normastur@lacomarcadelasidra.com o nel teléfonu de la mancomunidá –horariu de mañana–  985.71.84.13, cola opción de facelo tamién per mensaxe priváu na páxina en Facebook del SNL.

Contador Estadistiques