Abondante representación institucional del Principáu en Lorient

El Conseyeru de Xusticia, Seguridá Pública y Rellaciones Esteriores Javier García Valledor y la conseyera de Cultura Ana Rosa Migoya llegaron ayeri a Lorient
xunta la representación oficial asturiana. Ye la primer vez que dos conseyeros del Gobiernu asturianu se desplacen hasta'l Festival de Lorient, si bien l'axenda más enllena d'acontecimientos ye la del Conseyeru de Xusticia, que participa mañana día 3 nel "Gran Desfile de Les Naciones Celtes" dende'l
palcu d'autoridades y que'l día 4 va representar oficialmente al Gobiernu nel homenaxe que va facese a Asturies na Casa Conceyu de Lorient, actu que va rematar cola plantación, nos xardinos del conceyu del "árbol d'Asturies". Enantes de marchar Valledor dixo queAsturies, nes sos rellaciones esteriores,tien d'esforzase n'enanchar l'ámbitu de
paises colos que tien tratu, en referencia a estrenchar rellaciones colos países del arcu atlánticu.