A la cárcele por pintar

L'artista Anxel Nava y Sixto Armán, conocíu militante d'Izquierda Xunida, van dir cuatro díes presos a la cárcele Villabona, onde van ingresar esti llunes 3 de marzu nel módulu CIS pa cumplir conderga por una acción del "Frente d'Acción Creativa" plataforma d'artistes impulsada por Ánxel Nava que tuvo llugar en xunetu del 2.002. Ello ye que dambos activistes andaben pintando pel muru de Xixón con unes plantilles conseñes contra la globalización capitalista cuando los detuvo la policía. Acusaos de "deslucimiento de bienes" los dos activistes fueron a un xuiciu por faltes del que salieron con cuatro díes d'arrestu y multes de 705'84 euros pa caún, y ye que l'ayuntamientu de Xixón tasó la llimpieza de les pintaes precisamente en 1411,68 euros. Énte esta situación, los acusaos prepararon un manifiestu pal que piden la firma de toa persona que quiera solidarizase con ellos y nel que defenden "la necesidá de devolver a la democracia l’espaciu de la disidencia y l’espíritu de la llibertá d’espresión".